2016年8月2日 星期二

對抗濕疹之路:Part 1 眼部篇

雖然我從16 歲開始先有濕疹問題, 但不知不覺已經做左12年朋友, 亦都深深明白當濕疹發作痕到訓唔到係幾辛苦既一件事.

基本上的曾經全身都有濕疹既問題包括臉同眼皮部位.  每當發作成塊面紅色一圈圈作為一個貪靚靚既女仔當然好緊張.

而且每個月花一千甚至幾千蚊去睇醫生, 食西藥副作用就係勁眼訓, 成日都迷迷糊糊.  中醫基本上要長期調理, 花費好高.  甚至偏方都試過好多, 務求醫好為止.  終於都找到控制的方法.

以下純屬個人經驗分享, 每個人體質不同成效各有差異, 但希望各位有一天擺脫濕疹的煩惱.


先講吓我既濕疹情況:

濕疹部位: 眼部 (已完全痊癒)

如果發作既時候上眼皮有時會腫了一大塊, 或者淺紅脫皮. 搽任何眼霜上去都會好刺痛,然後不停流眼水. 最重要的是每次都只發單邊眼睛, 做成嚴重大小眼. 曾經以為是用的眼霜不好, 引致敏感, 然後不停的轉換眼霜, 平的貴的標謗純天然, 或者是量身訂造的都試過, 最後都是敏感.

然後睇醫生, 看西醫通常都是食藥, 搽藥膏, 打針, 這些都是速效, 同時都是短期, 很快就會返發, 然後繼續以上的循環:睇醫生食藥, 搽藥膏, 返發.  眼部的皮膚非常薄, 加上化妝, 會容易乾同有眼紋, 不搽眼霜是不可能.  但又不能繼續以上的循環. 眼部是不能長期使用類固醇會影響視力.

偶然在書局看到一本關於"肌斷食" 既書.  由一位日本皮膚科醫生宇津木龍一提出的「極簡美肌法」, 清水+純皂+凡士林, 他推行的理念是:原本肌膚就擁有完整的修復及再生機能,一旦用外力強迫給健康肌膚補充水份及油份,就會因熱能、摩擦及化學刺激,破壞肌膚表皮,讓它失去原有的防護功能。而化妝品對肌膚來說,更是侵入性的物品。有興趣可自行購買


 
 
作為一個從小到大, 天天比大量廣告/ 護膚專家洗腦的女仔, 絕對覺得唔用護膚品跟本係一件無可能既事. 皮膚又薄又乾, 加上紫外線傷害, 容易令皮膚老化, 所以每日都要好好保養皮膚, 這是我們從小在廣告裡學到的概念.

但當一個人被煩惱濕疹推到一個很難受的點, 其實甚麼都願意試.  反正"肌斷食"這個方法幾乎不需要花錢. 

居然只用凡士林作眼霜, 眼部完全無敏感濕疹問題再發生. 同時也不需要花很多錢買眼霜. $12 凡士林已經搞定. 不過我當然不會這麼乖, 依照書上面所講的方法照做, 但都沒有再返發,

以下是我的日常眼部使用物品:

化妝品: 幾乎每天我都會照常化妝, 至於眼線及啑毛膏都一定會選擇溫水可卸的牌子都是普通$100 上下的日本牌子

卸妝: 這一部分很重要, 曾經被各種大牌子的眼部專用卸妝搞到敏感, 現在只會用Bioderma 的卸妝水. 如果用普通用眼線及啑毛膏都很難卸得乾淨, 但使用溫水可卸的都卸得非常乾淨

 

保養:

1. 凡士林:每次取一粒米大小的凡士林, 先在手背推開, 然後再薄薄印上眼即可, 不可以太厚會生油脂粒


2. 至於eye marks 方面我選擇Faith in face "Eye am not tired"用完好舒服, 重要的是唔會敏感  







下一篇將分享:身體濕疹, 以及面部濕疹的漫長治療史
包括中醫, 西醫推介, 金盞花爽膚水, 紫雲膏, 濕疹專用護膚品, 珍珠粉, 肌斷食成效


延伸閱讀: Part 2 對抗濕疹之路: 沖涼篇

沒有留言:

張貼留言